|
Prime Minister-in Hmarchhak Zirlaite Delhi-ah Himna Pek A Tiam
Aizawl Thawhlehni Februarry 9. 2010: Prime Minister Dr.Manmohan Singh chuan hmar chhak a\anga ram khawpuiber Delhi-a lehkha zir (zirlaite) himna (safety and security) atan \an lak ngai apiangte lak a tiam. North East Students Organisation (NESO) lehkhathawn chhangin Prime Minister chuan Delhi-a thil thleng hmar chhakte bitum (target)-nate chuan a rilru a tihhrehawm thu a sawi.
Prime Minister chuan hmar chhak a\anga zirlai New Delhia awmte taksa himna atan thuneitute chu a bik taka \an la tur leh mi sualte laka khauh taka action la turin a hrilh a ni a ti.
He Prime Minister-in NESO lehkha a chhanna hi sawiin NESO Adviser Dr.Samujjal Bhattacharya chuan Prime Minister hian tun hnaia NESO memorandum thehluh a chhang a ni a ti a. Memorandum-ah chuan Delhi leh a chhehvela lehkha zira awm hmar chhak a\anga zirlaite himna an phut a ni a ti.
NESO chuan nikum October ni 25-a Delhi-a Manipur a\anga Naga zirlai hmeichhe tleirawl IIT a\anga Ph.D zirlaiin a that nia puh thil thleng hnuah khan Prime Minister hnenah hian lehkha an thawn a ni. Kha thil thleng kha hmar chhak a\anga zirlaite chuan an sawisel nasa a ni.
Hmasawnnaah Sawrkar Laipui Thawhpui Turin State Sawm
Thawhlehni February 9. 2010: UPA Chairperson leh Congress President Sonia Gandhi chuan ram pum hmasawnna tluantling atan state sawrkarte chu sawrkar laipui thawhpui turin a ko. Nimin piah khan Kanpur, Uttar Pradesh-ah rel thar 12 vai liamin Pi Gandhi chuan UPA sawrkar chu ram pum development atana intiam a ni a ti a, chumi avang chuan state sawrkarte hnenah pawisa tamtawk a pe vek a ni a ti. Politics chuan hmasawnna kawng a dal tur a ni lo a ti. Uttar Pradesh hi eptu BSP sawrkarna a ni.
Thu sawiin Railway Minister Mamata Banerjee chuan Rae Bareilly-a Rail Coach Factory chuan nakkum a\angin siam chhuah a nei \an ang a ti. Rae Bareilly, Ayodhya, Allahabad leh Janshi-ahte kawng hrang hranga hman theih multi purpose complex din a ni ang a, station 15 chu model station-ah siam a ni ang a ti. Nimin piah khan rel thar 12 vailiam a nih bakah rel tlanna 7 chu tihsei a ni.
Pakistan Nena Inbiak Nan
Feb. Ni 18 Leh 25 Rawt
Thawhlehni February 9. 2010: India chuan Foreign Secretary level-a Pakistan nena inbiakna ni atan February ni 18 leh 25 a rawt a, Delhi-ah ni se a ti. Hetah hian ngaihmawh hlawh ber ramri mahni ramri pela terrorism thil tih sawi a ni ang. New Delhi-a sawrkar mi pawimawh (official) chuan India rawtna hi tihtakzetin a ni a, India ngaimawh tihkian nana thinlung takzeta a rawt a ni a ti. He rawtna hi Foreign Secretary, Nirupama Rao chuan Pakistan-a a nihpui hnenah a thlen a, chumi hnuah India rama Pakistan High Commissioner chu India thil thlirdan te a sawipui.
India chuan he inbiakna hi inbiakna huapzau lo neih chhin chhunzawmna satliah mai a nih a duh lo a, Pakistan-in a sawi chhuah apiang Baluchistan thlenga sawiho a duh a ni. Ram pahnih inkara inrintawnna (trust and confidence) tihpun chu a tum a ni a, India chuan inbiakna hi nawrtu dang (pressure) an awm avanga neih a ni dawn lo a ti.
Sipai 40 Chuang
Vur Tawlhah An Tang
Thawhlehni February 9. 2010: Jammu & Kashmir-ah chuan tlangsanga indo zirna sipai sikul (Army’s High Altitude Warfare School)-a sipai, a tlem berah 40-te chu nimin khan Srinagar a\anga kilometrre 70 Khilanmarg-ah vur tawlhah an tang a, Sipai lam thu chhuak chuan heng sipaite hian nimin zing khan Khilanmarg panin Gulmarg an chhuahsan a, anmahni \anpui tur hian chhanchhuaktu police team tirh an ni.
Srinagar leh Jammu inkar national highway Kashmir Valley-ah chuan ruah surleh \hin leh vur tla avangin hmun thumah leimin a awm avangin lirthei kal dan pangngai a tikhaihlak a. Lirthei a ngaia kaltir tura beihna pawh khaw chhia avangin hna a kal lo a ni. Hetih lai hian khawvel pawha hmingthang ve Gulmarg Ski Spot-a vur a tla \ha chuan khualzinte leh winter sports lam ngaisangtute lawmna a siam ve thung.
Rilru Hahte Tan Nun Hlimna Turin Valentine’s Rosebud Day
Thawhlehni February 9. 2010: New Life Charity Society-Friends of the People chuan Valentine’s Day Feb. ni 14 remchanga hmangin mahse, he ni hi Sunday a nih avangin inrinni February ni 13, 2010-ah Aizawlah mite tana nun hlimna leh hahchawlhna thlentu nih a pawimawhzia tarlanna atan programme an siam a. Rosebud inhlanna ni-ah hman a ni ang a, mi dangte tana rosebud hlan duh tan lei tur an buatsaih dawn a ni. Friends of the People hian nimin khan Aizawl Press Club-ah chanchinbumite an kawm a, September, 2009 a\anga vawiin thlenga rilru leh nun lama harsatna tawk an hnena thlentu mi 700 an awm tawh thu, chung zingah chuan mahni intihlum mai thei khawpa nunna derthawng mi 72 an chhanchhuah tawh thu an sawi. Rilru natna nei, rilru hah, mi mangangte hi anmahni pan ngamte an awm a, telephone-a counselling pek te an awm a. Rilru lama harsatna leh natna hi taksa natna anga sawichhuah ngam hlawh lo a ni a, an dam ta tih pawh sawilet ngam lote pawh an awm hial niin an sawi a. Rilru hnualna nei an buaipuite zingah nula leh tlangval inhmangaihna kawnga harsatna tawk an tam em em a ni an ti.
Sakhua Vanga Zirna Seat Rizapsak
High Court-in A Paih
Thawhlehni February 9. 2010: Andhra Pradesh High court chuan state sawrkar-in zirna inahte sakhaw tenau zawk tana seat hauhsak (reser vation) a siam chu a paihsak a, sakhua avanga reservation siam hi constitution rilru kalh a ni a ti. AP High Court-a Constitutional Bench Justice A.R.Dave hruai chuan Andhra Pradesh Congress sawrkarin sakhaw tlem zawkte tana zirna ina 4 p.c. seat hauhsakna a siam chu a \hiatsak a ni.
Andhra Pradesh sawrkarin zirna inahte Muslim hnufualte tan reservation a siamsak chu High Court chuan thil zirchianna tak tak awm loa thil tih a ni a ti a, sakhaw hmanga reservation siamsak a nih dawn hian zirchianna tak tak a awm loh bakah hemi atana hriattur pawimawh (data) khawnkhawm mumal a awm lo a ni a ti.Constitutional bench-a judge 7 zingah pakhat chuan a ngaihdan chu a sawi lo (hai) a, pakhat chuan reservation lamah ngaihdan a pe a ni.
State sawrkarin dan hmanhmawh (ordinance) hmanga sakhaw tlem zawkte tana reservation a siam chu High Court Divisional Bench judge panga awmna chuan an paihsak phawt a, state sawrkar chuan Supreme Court-ah a appeal a, Supreme Court chuan High Court chinfel turin thutlukna a siam a ni.
Lo Hal Hun Sawn Phut
Thawhlehni February 9. 2010: MICLUN chuan Mizoram sawrkarin ram kang tur ven nana February thlaa lo hal vek tur a tih chu \ha lo an tih thu an sawi. Nimin khan press release an chhuah a, pipu hun a\angin lo hal hun, buh tuh hun a awm a, tunah hian loneitu tam zawk chuan lo an vat dawn chauh a, February thlaa lo vah, February thla bawka hal chu, dam ramah phei chuan a kang \ha mumal dawn lo a ni an ti. February thlaa lo hal a nih chuan buh tuh hun nen a inkar a hla lutuk dawn a, lo a hnim lutuk hman dawn a, hei hian lo neitute hna tamtak a siam dawn a ni an ti. Hengte avang hian lo hal hun pangngai March thlaah sawnleh ngei turin sawrkar an phut.Lo hal hmaa ram kan loh beisei ai chuan meilam sial \hatin ram kan tinep zawk turah an ngaih thu an sawi. Mi kut hleite avanga ram hi kang \hin nia an ngaih thu an sawi.
Prime Minister-in
Scientist-te A Lawmpui
Thawhlehni February 9. 2010: Prime Minister Dr. Manmohan Singh chuan Pathiannia Defence Research and Development Organisation (DRDO) Scientist-ten anmahni kutchhuak ngat mai Agni-III missile an kap chhin hlawhtling chu a lawmpui a. Lawmpuina thu thawnin secien tist-te leh engineer-te chu an inpekna, thawhrimna leh thiamna sang takah leh ram invenhimna lam mamawh phuhruknaah mahni intodelh tura an thawhnaah a fak a. Scientist-te hian ram tana chapopuitlak an ti a ni a ti.
Pathiannia Orissa Wheeler Island-a Agni-III missile kah chhuah kha atom bomb pawh kap chhuak thei a ni a, km 3,000-a hla a kap pha a ni.
India Economy |hanna 7.2% Hrilhlawk
Thawhlehni February 9. 2010: India sawrkar chuan nimin khan kum kal mek 2009-2010 chhunga India ram economy \hanna chu 7.2 p.c. ni turin a hisap (estimate) a, nikuma India ram economy \hanna chu 6.7 p.c. a ni. He GDP \hanna figure rinlawk hi Central Statistical Organisation-in an lo hisaplawk a ni a, Reserve Bank leh Finance Ministry hrilhlawk ai chuan a hniam a ni.
Finance Ministry chuan GDP \hanna chu 7.75 per cent turin an mid-term economic review-ah an hrilhlawk a, RBI chuan thla hluia quarterly monetary review an neih khan 7.5 per cent-ah an hrilhlawk a ni.
Nimina Central Statistical Organisation-in an rinlawk dan an tihchhuah ang chuan agriculture leh a kaihhnawiha \hanna chu nikumah 1.6 p.c. a nih laiin kuminah chuan 0.2 p.c. chauh ni turin an ring a ni. Thil siam (munufacturing) lama \hanna chu 8.9 p.c. ni turin an chhut a, kum kal taah chuan hei hi 3.2 p.c. chauh a ni thung. .
Trade, hotel, transport leh communication lama \hanna chu 8.3 p.c. ni turin an chhut a, kum hluiah 7.6 p.c. a ni a, construction lamah chuan 6.5 p.c. ni turin an beisei a, kum hluiah 5.9 p c. .Financing, insurance, real estate leh business services lamah tlakhniam a ni a, kuminah 9.9 p.c.-ah hisap a ni a, nikumah 10.1 p.c. a ni. Community social leh personal services-ah kumin hian \hanna 8.2 a ni ang an ti a, nikumah chuan 13.9 p.c. a ni. |
