Athletics Association-in naupang hrual tur an dap

Ramhlun Sports Complex-ah Junior Athletic Meet

Nilaini March 10, 2010:       Infiamna khawvela a bulpui, hlamchhiah theih miah loh Athletics chanchinin min chiah ve ta zauh zauh. Puitling sa lawr mai lovin Mizoram Athletics Association chuan naupang zawk hrual tur a dap mek a, nimin a\ang khan Junior Athletic Meet chu Ramhlunah a buatsaih \an. He Athletics Meet-ah hian beisei angin tel an \hahnem lo naa telte tumruhna, inpekna thuk tak leh Association hruaitute inpekna chu a inchhem alh tawn ngei dawn niin a lang mek.

Athletics-a discipline hrang hrang, intlansiak, feikhawh, zuan thui, sang zawnga zuan, lung den, triple jump bakah tlan kawng thui deuh metre 3000 a\anga 5000 thlenga intlansiakte buatsaih  a ni a, an \ang takzet. Nakin lawka Mizoram aiawh tur leh Mizoram hming la ti\ha tu tur an ni tih hriain tun hun atana invawrhchhuah hun a ni tih an hai lo.

He Athletic Meet hi 9th Mizoram Junior Athletic Meet tih a ni a, Mizoram-in keimahni puala infiamna hmun hma kan neih \hat ber Ramhlun Sports Complex-ah neiin nimin a\anga \an kha a ni a, vawiinah zawhfel a ni ang. He meet hi Athletics Association President Lalbuanga Sailo chuan a hawng a, intihsiakna hrang hrang \an zui a ni.

A hawn ni hian intihsiakna engemawzatah final neih nghal a ni a, hetiang hi result kan hriat theih chin a ni-

Feikhawh (Javelin Throw) -(Hmeichhia)

1. Ramengmawii - Hmingliani Bakery Club

2. Cindy Zonunmawii - Hmingliani Bakery Club

3. Dorothy Zodinpuii - Tlungvel

Feikhawh (Javelin Throw) (Mipa)

1. Vanlalawmpuia Fanai - Republic V/C Team

2. Simon Lalremruata - Republic V/C Team

3. Vanlalhruaitluanga - Ramhlun Sports Complex

Long Jump (Mipa)

1. Zoremliana - Republic V/C Team

2. Johny Vanlalruatsanga - Tuithiang GSA

3. Simon Lalremruata - Republic V/C Team

---

---

Mizoram Billiards & Snookers Association President Pu John Kima chuan he Masters Cup-a prize money chu Mizoram infiamna khawvela mimalin lawmman a lak tam ber tur a nih thu a sawi. Champion-in trophy mawi tak, He masters Cup atana a bika siam liau liau leh pawisafai Rs.10000/- a dawng dawn a, pahnihnain Rs.5000/-, semi final lut chinin Rs.2000/- an dawng bawk ang.

Football tournament pangngaiahte team pumpuiin Rs.10000/- a\anga Rs.20000/- bawr velte an dawng \hin a, Red Ribbon football-ahte meuh pawh pakhatin Rs.100000/- dawng mahse hei hi players 11 bakah substitute leh team manager bakah coach te nena insem tura sem sawm chuan a tam vak lo mai thei.

Masters Cup atan hian Luangmuala David Zama te chhung chuan sum engemawzah an tum dawn a, main sponsorship an ni tawp dawn. He masters Cup hi Joshua 9 Balls Masters Cup tih a ni dawn a, Joshua hi David Zama fapa boralta a ni.

David Zama chuan he Masters Cup-a sum tumtu ni mahse an hming tihlan a duh lo hle a, an thiltih a\anga sum leh pai nei zawkten sports hmasawnna tura ke an penchhuak ve a nih chuan chu chu an lawmna ber zawk a nih dawn thu a sawi. He Masters Cup chungchangah hian amah kawmna (Interview) neih tumin LPS Sports Center leh Zosports te an thawkchhuak a, mahse TV leh thil danga anmahni tihlan an duh loh avangin an hnar hial!

An tum ber chu Pool a ni emaw, Snookers leh Billiards pawh nise, he game hi game thianghlim, changkang tak, India leh khwvel hriata Mizote hmel lanna tur a ni. Kum 2000 chho khan Mizoramah Pool a lar hle a, hmun tina hawlhlungte chuan rik rawk a ti zankhua mai \hin a nih kha. Zu leh nula lepchiah deuhte nen chanchin \ha lam hriat tur a awm mang lova, Gentleman game thianghlim tak Pool hmanga infiamna chuan a hmingchhiat phah hle. Kha khan he game hmasawnna tur nasa takin a ti\huanawp a, thiam tak tak chu an chhuak. Mahse kha boruak \ha lo tak kha vantlang leh biak-ina thusawituten nasa taka an sawisel takah chuan a kheltute pawh an han ta duak mai a, pool khel hratte chu ngaih khata ngaih an ni ta hial. Mahse he game hi a zahawm a, a thianghlim a, khawvel huapa intihsiakna reng rengah pawh hmun changkang takah hlir a ni a, kheltute incheina, chet phung leh game hrim hrim pawh hian chu chu a keng tlat a ni.

MB&SA chuan thla hlui mai khan India ram pumhuap 9 balls intihsiakah Mizo players engemawzah a tir a, Mizo players te hi an che chhe lo. India ram champion laite pawh round of 64-ah an hneh thei a, round of 16 hial thleng phakte pawh an awm. Mizo players te hian engmah a hranpaa zirna an nei lem lo. Chuti chung chuan India hmarchhaka result nei \ha ber an ni a, India ramah pawh an hming a lan thuai an beisei.

Eng game pawh hi a khelh dan hriat chuan en a nuam \hin. Kan hmelhriat lem loh leh a khelh dan phung kan hriat loh te chu en a tui thei ngai lova, chuvangin 9 balls awm tur pawh hi a khelh dan i hriat chuan tui ti takin i thlir thei ang.

9 balls tih takah ball 9 a awm a, Cue ball hmangin chu chu a number indawt chhoh dahin an hawlhlut mai a ni. A game a rang a, American duh dan leh tih lar, rik zung zungna a nih avangin en pawh a nuam. Number 1 ball a\anga chhutluh \an tur a ni a, mahse vawikhata zawh nghal theih dan a awm. Hei hi tih theih chuan awlsam tein game a lak nghal theih. Ball chhuluttu tur Cue ball-a No.1 ball a\anga luh hnuhnun ber tur N0.9 ball i chhutluh chuan i zo nghal der. No.1-a number dang i chhutluh pawhin i thawk chhunzawm zel thei a, i number luh sa kha kal kanin a dang i lut zawm mai dawn a ni.

Masters Cup khelhna hmun atana Millenium Center kher an thlanna chhan chu he game changkan zia pholanna a ni. Masters Cup tih takah kheltu pawh Mizo players zinga a thiam 16 thlanchhuah an ni dawn a, a tirah an inkhel kual vek phawt ang a, chumi hnuah semi final lut tur an chet\hat dan indawtin thlan a ni ang.

Mizoram a vawikhat nana buatsaih Masters Cup hi TV lamah LIve Telecast a ni dawn lova, en duh tan a hmunah man chawi lova thlir theih a ni ang. TV lamah pawh replay tihchhuah a ni tho bawk ang.

Captain Gerrard-a nungchang chu FA-in a chhui chiang dawn a, inkhel hamtu referee Andre Marriner chu V-sign a hmuh pek a, eng thil emaw tak a sawi bawkin an hria.

Hun tawp hma minute 9 vel la awma thil thleng a ni a, a hnunglam a\anga James Mc Carthy tlawh chu Gerrard hian a haw hle a ni ang referee lakah a \uan ta niin a lang.He thil thleng hi Liverpool boss Benitez chuan a hmuh loh thu a sawi a, " Ka awmna a hla em a, engmah ka va hmu phak lo" tiin a kut a sil san daih!

Liverpool lama goal lut chhun hi minute 35-a Hugo Rodallega thun a ni a, siphurh an sut thei miau si lova, season hmawrbawk hnaih lamah point induhthawh laiin an hawihil leh ta.

Liverpool hian a khelhah hrim hrim chuan an ngam khawp mai a, DW Stadium-a inhmachhawn mah nise 63% vel chu ball an chang. Mahse Wigan goal-ah han hlauhawm deuh leh keeper Chris Kirkland tana han zuan awrh awrhna tur goal hlauhawm an nei thei tlat lova, vawikhat mah siban inkarah ball hlauhawm an vawrhlut lo! Hetihlai hian hlauhawm fe fein Wigan chuan shot an nei nual thung.