 |
Mizo Aw |  |
|
Phekhma | Phekhnihna | Phek thumna | Phek lina | Keimahni |
Hema in an rawk
Dt. 4.3.2010 : Bolly
wood actress hlun Hema Malini bangla pakhat chu kar kalta khan misualten an rawk a, cheng nuaih 84 man hu vel an laksak.
Hema hian Dindoshi, Goregaon (E)-ah bangla a hmun pawh 2,500 sq-ft a zau vel a nei a, a ni hi Nagpur-ah thil pawimawh tia a zin hlan a ni a, misual te chuan a laichin unau lo enkawlsak a awm loh laiin an rawk ta a ni. Hema chuan, " Ka lehkha pawimawh an la lova, ka tlereuh thil hlu bakah sum leh paite an la thung" a ti. Dindoshi police te chuan Hema bangla hi an pan nghal a, rukru chuan tukveh tichhiain safe leh bedroom-a thil hrang hrang a hai darh nasa hle a ni. Hema hian huan enkawltu 2 leh private security pahnih a chhawr \hinte a chawlhtir a, hei hi hriaiin misual ten remchang an chuh niin a lang a, tun kum 20 kalta chhunga hetiang thil a tawn vawikhatna a ni hrim hrim a, ralmuang tawka a inngaih laiin a lo ralmuang tawk lo hle tih a lang
I zei em? Engtin nge nula ai bem \hin?
In date dan tur dan 8 a awm!
Dt. 4.3.2010 : |henkhat tana thil \ha hi \henkhat chuan a \ha kher lo thei a, thil \ha lo nia kan ngaih pawh \henkhat tan chuan a lo \ha phian thei bawk. Damdawi te pawh miten dam nan an hmang a, mahse \henkhat chuan sual nan hmangin an rui a, thil sual an ti \hin. Doctor-in dam lo damdawi a chawh ang kha damlo dangten an \hatpui kher lova, lo \hatpui tawk pawh a awm ve theih tho bawk. Chutiang zel chuan hring nunah pawh kan tana \ha tur thilte leh dik em emte pawh \henkhat tan chuan \ahna leh lungaihna chantirtu mai a ni thei. Horoscope te pawh \henkhat tan chuan a dik em em fo a, \henkhat tan chuan thu awmze neilo mai a ni \hin.
Kan nun zia leh nunphung zir zelin kana mamawh a dang a, kan mamawh ang hi miten an mamawh ve kher chuang hek lo. Khaw pakhat nula rim dan emaw, bawng talh dante, ruai\heh dante kha khaw dang tana \ha leh zawngchhang tlak a ni lo mai thei a, tlangvalin nula a chhai dan turte, a tlaktlum leh a induh tir theih em emna tura thu thlum a fah dan turte, hun a hmanpui dan turte pawh chutiang chuan tih tur tia chung lam hriattirna dawn ang hrim a sahuai thing vawn tlut tura sawi theih a ni chuang lo bawk. Mi nawlpui tana \ha leh dik erawh a awm a, chu chu kan sawi tum chu a ni.
Hmangaihna hi sawi a nuam a, Pathian hmangaihna thuk zia leh ropui ziate hi sawi lo mah ila a nep chuang hek lo. A siam mihringtea hmangaihna mipa leh hmeichhe kara awm tura a dahte pawh kan sawi bang lova, sawi a nuam \hin a ni. Mahse hmangaihna hi Bible-in a sawi angin thiltih tel lo chuan a thi a ni mai a, Pathian hmangaihna pawh a thiltih a\angin a lang. Science chu a tiha tih a ni a, hmangaihna pawh thiltiha lanchhuahtir a ni. Awm ringawt ila, hmangaih thu sawi hluak hluak ringawt ila, thiltiha kan lantir si loh chuan awmzia a awm lo.
Nula tana thu \ha kan infah hnem ta a, chhas play dante, awmdan tur leh chetze phung engkim kan sawi hnem ta. Tun \um chu tlangval tana nula bem dan, nula date dan tur kan sawi ve thung ang.
Sawi tak angin kan thil sawi hi 100% dika ngaih tur a ni lova, \henkhat tana thu \ha tak leh rintlak a nih kan beisei laiin \henkhat tan chuan awmzia a awm lutuk lo mai thei. Eng pawh nise i beidawng tawh emaw, hetiang thilah i zei lo ru hle emaw a nih takin mithiam leh chinchang hre zawk, dai zau tawh leh experience neite kamchhuak a\angin i harsatna sutkian kan tum chhin dawn a ni.
Jesse Metcalfe kan hria em aw ? Fiamthu film 'John Tucker Must Die' tih a high school kallai tlangval ler(h) tak lema chang kha a ni e ti ila kan hre mai awm e. I la hriat loh fo chuan Desperate Housewives film-ah a chang bawk ti ta ila i hre mai tawh ang em ? Mahse he tlangval hi 'John Tucker Must Die' film a ler(h) tak anga a lan ang kha chu a ni lo a nia. A tak takah chuan midang kawp \un lo, bulfuk taka ngaihzawng pakhat nei chi a ni. Hman kum lawk khan British singer Nadine Coyle-i, Girls Aloud band member nen inkawpin, tun thleng hian an la inkawpin ka hria(?) People chanchinbu correspondent Alexis Chiu hnena a 'romantic tips - in date dan (rules) chi 8' a sawite chu hei pui kan rawn khilai dawn che u a. Amah pawhin a sawi angin 'Zawm tur dan (rules) te chu bawhchhiat tura siam a ni' tih erawh sawi lang hram teh ang. Chuvang chuan heng rules-te hi hman kher tur tihna a ni chuang lo anih chu. Tin, heng rules-te hi mipa tan bik ani tih leh, nu leh pa te thawhchhuahsa hmanga he thil hi tih chi a ni lo tih hi in sawi tel hram bawk teh ang. Hei, a hnuaia hi rules chi riat te chu a indawtin aw....
No.1: Cool deuh raih a awm tur. Duh huam emaw nuam ti lutuk anga awm a chi loh.
No.2: In date hmasakna berah chuan, thil eina man emaw present emaw ang chi reng rengte chu mipa pek tur a ni tih hriat reng tur. Hmeichhia zawkin an tum a nih pawhin, pek tir loh tur. A hmeichhia zawk i pek tir anih chuan ......
No.3: A tukah phone ngei ngei tur. In in date hmasak ber leh a hnu a i phone zui inkar rei leh reilohah thilkal dan tur thui tak a innghat tih theihnghilh hauhloh tur. 'Hmechhia nen kan in date hmasak ber tukah, hun ka nei anih phawt chuan a tukah ka phone nghal hrim hrim ang' Jesse Metcalfe chuan a ti a. Nangin i ti ve ang em ?
No.4: Inngaihhruina thu emaw inbiak chhunzawm dan tur lam kaihhnawih sawi tel ngei ngei tur. Hmeichhe pakhat nen in lo in date ta a, a tuk lawkah a rawn phone nghal che a; mahse thu engemaw a hnuleh awmzui tur ang chi engmah sawi lovin, a thusawi titawp ta se chhunzawm chi-ah i ngai ang em ? Chutiang anih chuan ngaihtuahna thar neih a fuh mai thei a nia.
No.5: Present pek hi ngaihthah chi a ni lo. Hmeichhia kan duh tak tak leh kan hmangaih tak tak chu kan theihnghilh lovin, kan thinlung chhungril berah hmun an chang reng \hin tih hriattir kan duh thin a ni lawm ni ? Chutiang a nih a hnu, phone mai bakah, 'Ka thinlungah i cham reng a, ka hre reng che a ni' tih lantir nan a lawm zawng eng emaw kha present mai la. Pangpar nge ni ang tlereuh lam chi ? Te lua a awm lo. I ngaihsakna i tihlanna kha a ni pawimawh zawk.
No.6: Romantic em em tur. A ngai a i lunglen thu emaw, ani aia duh i neih loh emaw, fanau maltluan chawipui tur a i thlan ber thu emaw te kha ziakin i duh leh thawn ta la. A pawi vak dawn em ni. Anih leh hlaphuah lam te hi ? A chhama chham chi em ni zawk? Mahse i ti lutuk ang e.
No.7: In pahnih tan chauh hmun thlan bik nei rawh. Hmeichhe hrang hrang hmun thuhmun a hruai hi a \ha lem lo. A changin restaurant-ah, a changin tihpui engemaw neihna hmunah. Tichuan nu hlimawmtak in nei anga, a bak chu tluang zuih mai ang. Film hrang hrangte pawh han en la, love strory a nih chuan an in date-na hmun hmasa kha hmun pawimawh a ni zui deuh zel!!! Tin, a hnu zelah pawh, " Hetah hian thil kan ei dun \hin.. kan kal dun \hin" tiin a hriat reng tur thil, midang tem ve phak lo i hnutchhiah dawn tihna a ni.
No.8: Beiseina tihsan viau nghal loh tur. Chhe lo leh i lo star ruk tak pawh ni mahse, in in date hmasak berah khan pawngpaw beiseina dahsang lo phawt rawh. I thiltih leh i hna lam kha dah pawimawh la. Chutiang pawh chu lo ni ta teh reng se a chunga kan tarlante hi hre reng ang che. - Brian
Die Hard kan hmu leh dawn
Dt. 3.3.201
0 : Die Hard hlawhtling taka changtu leh he film a\anga hming chher Bruce Willis chuan Die Hard dang chan leh a tum. Kum 54-a upa Willis hian 1988 a\ang khan big-screen-ah a hmel a lan \an a, New York cop John McClane hnung zuuin tunah chuan hollywood star ropui a ni tawh a, a chuai leh tawh zawk mah a ni. " Nakkumah Die Hard dang chan leh ka tum a, direct turin Len Wiseman ka beisei" a ti. He film thar tur hi Die Hard 5 tih a ni ang a, upa lam ni tawh mahse film chan thiam Willis hian nep tak chuan a chang lovang tih a rin theih nghal.
Freida Pinto film thar a hnai
Dt. 3.3.2010 : Indian star Freida Pinto leh Woody Allen te film You Will Meet a Tall Dark Stranger chu kumin September 2
3-ah tihchhuah a ni dawn.
Pinto hian he romance film hi a chang zo tawh a, star lar Naomi Watts (21 Grams), Oscar winner Anthony Hopkins (The Silence of the Lambs), Oscar nominated Josh Brolin (Milk), Golden Globe nominated Antonio Banderas (The Mask of Zorro), and Filmfare winner Anupam Kher (Wake Up Sid) te ho nena an channa a ni.
Film danglam em em hran a ni lova, chhungkaw inhmangaih leh inkawm ngeih tak chanchin a ni deuh mai a, an harsatna hrang hrang an sutkian \hin dan a ni. Oscar pawh lo dawng tawh Allen (Hannah and Her Sisters) a direct, United Kingdom-a chan a ni.
Taiwanes film thar tur
Dt. 3.3.2010 : China lak a\angin 1949 daih tawhah khan Taiwan an inla hrang a, mahse vawiin thlengin China chuan Taiwan hi an ram bungkhatah an pa ngai reng. Taiwan lah USA chuan nasa taka puiin China-in a pawng lak mai loh nan a hum a, tunah hian film hmangin Taiwan-a Martial law puan a nih hun lai vel chu tihchhuah thar a ni dawn. He film thar tur hi China tan chuan ngaimawhawm tak a ni dawn a, Chiang Kai-shek-a hunlai Communist thlipui nat zual vanglaia Taiwan chunga China chet vel dan a ni ber mai.
Van Der Beek chun a changtupa tur a ni dawn a, Taiwanese history hre miah lo hian a chan tur film thawnthu a hriata mak a tih thu leh chu thilin a barakhaih thu a sawi. 1984 a\anga martial law hlih 1987 chhung vela thil thleng tlangpui a ni.
Hmangaih thente neihlet leh dan!!!
Dt. 3.3.2010 : Midang aia hmangaih leh duh bik i nei em ? Hmangaihna dik tak ni a hriat hi damchhung a vawikhat chiah thleng thin ah i ngai reng em ? Chutiang hmangaihna i lo tawn tawh chu a thlen leh theih i ring reng em ?
Ni e, damchhung hian tute pawh hian hmangaih leh duh, kan nun tihlimtu, kan hun hman tinuamtu, titi tinuamtu, hlim taka nuih dun pui theih mihring kan tawng thin a. Hetiang hun hi damchhunga kan hun tawnah chuan vanneihna kan tawn san ber pawl a ni ti ila kan sawi sual lo'ng chu. Mahse vanduai thlak takin, chutianga hun hlimawmtak, kan duh ber te nena kan hman lai chuan buaina chhum lo zingin, a tawp a inthen hial ngaih changte pawh a lo thleng thin anih hi.
Hmangaihte nena tual thu a lo chhiat a, tih phui leh theih tawhlo khawp khuarkhurum kan inkar a a lo tlak hian nun a buai a, mal ngawih ngawihna in kan chungah ro a rel thin a. Hlimna leh lawmna vawrtawp kan neih thin te chu lungngaihna leh thinurna tawp hlei theilo in a luahlan thin anih hi.
Chutiang ang nun hrehawm nei te chu 'Broken Heart', hmangaihna vanga thinlung kehchhia kan ti thin a ni lawm ni kha ?
A chang chuan hetiang inlaichinna kehchhia awm te hi siam that theih an ni thin a. Mahse i chunga thinrimna tih dam theih loh emaw, nangmah a hmangaih leh duhna zawng zawng tawp vek khawp a i chunga rilru a put chuan enge i tih leh chuan ang ? A tihdamna awm lo napui chu tihdam i tum hram hram dawn em ni zawk ? In inkar tha lo chu damchhung in a reh dawn chuang lo tih hre reng chung in i tuar tluan chhuak zawk dawn em ni ? Hetiang hun a lo thlen hian rilru leh ngaihtuahna zawng zawng a tawp ta ah erawh ngaih tur a ni lo. I hmangaih a i la beisei ru reng anih chuan, in pahnih a in hun hman dun tawh zawng zawng na chuan a rukin thil nasa tak a ti thei tih theihnghilh lo la. He thil, mi pahnih inkar a a ruk a hna nasa tak thawk thin hian mualza kar dan emaw hun rei leh rei loh lam emaw vangin a hnathawh a thulh ngai lo.
Anih leh i hmangaih leh i duhtak chu i hnena kir leh turin i duh takzet em le ?
Chutiang inlaichinna kehchhia chu ngawi reng a tuar tur i ni bik lo tih in hria la. I tan thutlukna siam har tak nimahse, thutlukna chu i siam ngei ngei a ngai tih erawh theihnghilh lo la. I chunga thil lo thleng chu chhanlet aiin, hun thar siam emaw i duh anga i thuhnuai emaw a ngai tih hre bawk ang che. Tin, i hmangaih tak leh i theihnghilh theih loh, i rilru a cham ru veng veng kai tho turin thil i ti thei tih hi hre reng bawk la. I rilru leh ngaihtuahna a i hmangaih chu i hnena kir leh tura i rilru, taksa leh thlarau zawng zawng a i duh takzet anih chuan hmuh theihloh thil tih theihna chuan hna nasa takin a thawk thei tih hria ang che.
I duh leh hmangaih nen chuan hun rei tak chhung hlimna in lo chen dun tawh anih chuan, in inkar a khi awm, thawm that leh theih loh hial awm a khi nasa pawh chu, a laka i rilru leh ngaihtuahna i pe anih takzet chuan hun rei tak hnuah pawh a thawm that theih a. I duh leh hmangaih tak chu tih loh lam ti lo bur mi anih erawh chuan i tan hun thar zawn erawh a ngai tih hre bawk ang che.
Tin, hmangaihna liam tawh hi sum leh pai hmanga neih let theih anih loh zia hi i hre reng tur a ni. Mahse inpholan mawi thiamna leh rilru chhung ril ber a ngaihtuahna erawh chuan i hmangaih ber chu a ko let leh thei tih hi i hre reng tur a ni. - Brian
Hmabak ko Angelina Jolie
Dt. 3.3.2010 : Angelina Jolie chuan director Darren Aronofsky (The Wrestler) a film thar tur Serena: A Novel a chang mai thei.
Kum 34-a upa Oscar winner hian Ron Rash-an 2008 chhunga a siam rem Serena: A Novel a chan mai theih thu a sawi lang a, he film thar tur hi 1929 North Carolina-a George Pemberton leh a mo Serena ten Timber lalram an din dan vel a ni.
Jolie hian Changeling film kha a chan hnuhnung ber a ni a, tunah hian Salt a chang chho mek a. He spy thriller film hi July 23, 2010-a tihchhuah hman tum a ni.
Engtin ngai ve che maw?
Dt. 3.3.2010 : An sikul bulah chuan sikul hming leh motto chiang takin an tarlang kuau a, Govt.Primary School II, Sakawrdai, Motto : To be a man tih a ni. |henkhat chuan an nuihpui nasa \hin hle a, mahse motto phuahtu hian eng ang rilru puin nge a phuah tih kan hriatpui kher lo mai thei. Man a tih hi mihring nihna kawh tir a tum vang pawh a ni mai thei a, a dik leh dik loh lam ai mahin a phuahtu ngaihtuahna hman awm ang kha chhutpui daih teh ang.
Taksa peng leh bung hrang hrang pangngai ve thlap si laktlak miah lo tam tak an awm. Rilru chak awm pui pui, duhna lamah chuan thil hre thei fu bawk si, chhawr tlak miah si loh tam tak an awm mek. |henkhat chu an thatchhiat vang a ni a, engmah thawh peih lo, nilenga darkar 24 hman an tih mai, thawh tur hre lo, chawei tui fu fu si hi an tam a nia. Mipa niin an inhre ve em em a, mipa nihna chanvo erawh hlenchhuak thei der si lo inla pa ve em em ringawt an ni. Chhungte thawhchhuahsain an in la pawr a, thawhchhuak nei uk silovin nei ber thawkin an thaw ve ham ham fo.
Chhiatni \hatni-ahte hmel lan ve thei ziah, chhungkaw tan erawh \angkaina nei tlem tak an awm a, heng mite hi enge i ngaih ve dan.
Tlemin hawl zau ta deuh ila. Kan ramah hian MIFEL kan tehn a hi eng ber nge ni ta ang? "Ani hi chu a fel khawp mai, chhiatni \hatniah a lang ziah a, a tlawmngai bawk si, inkhawm a taima bawk si, kohhran leh khawtlang lamah pawh nihna pawimawh a chelh deuh reng mai, ruihtheih thil engmah a khawih ngai bawk si lo" an ti. Chu chu mifel title kan pekte an ni mai thei a, mahse lehlamah ka hnathawh puite chuan thatchhia, hnathawh ngai pawimawh lo, sorkar hnathawk ka nih phei chuan leave la mang lova tlan bo ching min lo ti leh bawk si se, eng tin nge ni ta ang?
Kan changkang zel a, kan khawtlang inrelbawl dan system pawh hi chumi mila kan thlak danglam ve hret hret chu a ngai dawn niin a lang. Mifel title kan pekte hi Social Obligation aia a Job Obligation dah pawimawh lo zawk hi em ni dawn? Fel nia kan sawi leh ngaih \hinte hian an hnathawhnaah hun (time) an eiru fo dawn tihna a ni a, khawtlang leh kohhran hian kan social life ah pressure na tak min siam a, chu min nawrna chu ka tih hlawhtlin chuan "MIFEL" ka ni ringawt dawn tihna em ni?
» Article
» Comment
Compuer set leh accesories chikim tlawmna hmun Computer Enterprise hi lo pan ve teh. Servicing-ah pawh buaina kan nei lo. Computer Enterprise(CENT), Zarkawt Ph : (0389) 2340177 / 09436350354(M)
USHA DISCOUNT Usha khawl chi hrang hrang JANOME leh BLACK MACHINE (Kut leh ke khawl)-ah te February ni 1/2010 a\angin Discount kan pe dawn a, Company-in remchang a siamah hian chan ngei tumin ngaihven rang ang che. USHA ENTERPRISE, A-34 MILLENNIUM CENTRE
High Tech Pre Fabricated construction. Contact : e2E PRE-FAB (P)LTD. CELL : 9831498611. Mail To : shupro@yahoo.com
Mizo Novelist lar C.Laizawna’n Pastor Chhawna chanchin a ziak chu lehkhabu dawr hrang hrangah lei theihin a awm ta e.
|
Mizoaw.com is powered by Website Builder © 2003-2009.