Tualchhung

CAM President-ah CM

Cricket Association of Mizoram hruaitute leh memberten nimin khan Chief Minister Pu Lal Thanhawla a office-ah hmuin President atan an sawm a, charge an hlan nghal. CAM hian vawi tam BCCI-ah affiliation an dil tawh a, an hlawhchham \hin avangin Chief Minister-ah beiseina sang tak neiin President atan an sawm a ni. CAM President Pu Lalbiakthanga chu working president a ni ang a, office bearers dangte chu an nihna ngaiah an awm ang. CAM hi kum 1992-a din niin a hnuaiah club 72 an inziaklut a ni. BCCI affiliation neih dan tur te, Sihhmuia cricket ground ruahman mek lungphum chungchang leh thil dangte an sawiho nghal bawk.

Pangpar Entirna

March ni 16 thlenga neih tur Mizoram Florists Association buatsaih State Level Flower Show-cum-Fair chu nimin khan Assembly Secretariat Annexe-ah Agriculture Minister Pu H.Liansailova’n a hawng. Hetah hian pangpar chin leh khawi lama eizawng chhungkua \hahnem tak an tel. Minister chuan an thawhrim leh inpeknaah a fak a, sawrkarin a theihnaah a \awiawm ang a ti. Hawnna inkhawm hi MFA President Pi Ropari’n a kaihruai a ni.

Run For Peace

23. Sector Assam Rifles hnuaia 10 Assam Rifles chuan inrinni March ni 13 zingkar dar 6:00 a\angin Sikulpuikawn a\anga lammual thleng remna atana a huho tlanna ‘Run for Peace’ an buatsaih dawn a, Assam Rifles kum 175 tlin lawmna pakhat niin ram khua leh tui mimirte zinga inunauna, thawhhona, inremna leh inkawmngeihna boruak siam nana tih a ni. Sikulpuikawnah Health Minister Pu Lalrinliana Sailo chuan tlan turte a vailiam ang. He tlanhonaah hian a duh apiang, school naupang, sipai bang leh tupawh an sawmin an beisei a ni.

NSUI-in Sawrkar Fak

NSUI Mizoram State chuan Minority Scholarship zirlai sangli chuang hnena sem a ni lawmawm an ti a, hmasawnna kawng hrang hrang chak taka kalpuitu Chief Minister Pu Lal Thanhawla leh a kaohhruai sawrkar hnathawh ropui an tih thu an sawi. Nimin khan press release chhuahin Education Minister Pu Lalsawta hma lakna avang leh theihtawpa buaipuitu Scholarship Board Secretary leh staff chungah lawmthu an sawi bawk. Mizoram sawrkarin zirna siam\hat tuma Education Reforms Commission a din leh hma a lakna hrang hrang chu UPA Chairperson Pi Sonia Gandhi chuan faktlak leh rintlakin a ngai a ni tiin Education Minister hma lakna leh inpekna an chhuan thu an sawi.

Cheraw Hruaitute Tan

Guinness World Record Cherawa tel tur bu (set) leader zawng zawng Vanapa Hall ah vawiin chawhnu dar 2:00 ah inhriattir tur leh thil lak tur a awm avangin kalkhawm tur a ni.

Tihdikna

Nimin Mizo Aw-ah Mizoram Mahila Congress-ten Hermon Children’s Home-a buhfai an pek zat kg.20 tih kha bag 20 tih zawk tur a ni a, MNF Chiauhiar tiha MPA tih pawh MAP tih tur a ni e.